धनगढी । धनगढी उपमहानगरपालिका–४ बसपार्कस्थित एक होटलमा आज युवकको नग्न अवस्थामा शव फेला परेको छ ।
श्रीपाल होटलको कोठा नम्बर १०५ मा धनगढीको तारानगरका ३० वर्षीय आदर्श भट्टको शव फेला परेको जिल्ला प्रहरी कार्यालयका प्रहरी निरीक्षक प्रकाश डाँगीले जानकारी दिनुभयो ।
मृतक भट्टसँगै सो कोठामा यही वैशाख १० गतेबाट बस्दै आएका धनगढी उत्तरबेहडीका प्रकाश चौधरी र यसपाल मल्ललाई घटनामा संलग्न रहेको आशङ्कामा पक्राउ गरिएको प्रहरीले जनाएको छ ।
