काठमाडौं । सोलुखुम्बुमा जहाज र हेलीकप्टर ठोक्किदा तीन जनाको मृत्यु भएको छ । सोलुखुम्बुको लुक्ला विमानस्थलमा समिट एअर र श्री एअरलाइन्सको हेलिकोप्टर ठोक्किएर दुर्घटना भएको हो ।
सोलुखुम्बुको लुक्ला विमानस्थलमा समीट एयरको जहाज दुर्घटनामा परेको छ । लुक्लाबाट रामेछापका लागि उड्नेक्रममा समीट एयरको ९ एन एमएच कलसाइनको विमान दुर्घटनामा परेको हो ।
उड्ने क्रममा धावनमार्गबाट चिप्लिएर मनाङ र श्री एयरलाइन्सको हेलिकोप्टरमा ठोक्किएर दुर्घटनामा परेको त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले जानकारी दिएका छन् ।
दुर्घटनामा परी समीट एयरका को पाइलट एस ढुंगाना र प्रहरी असई रामबहादुर खड्काको मृत्यु भएको प्रवक्ता तिवारीले पुष्टि गरेका छन् । समीट एयरकै अर्का कोपाइलट आरबी रोकाय गम्भीर घाइते रहेको बताइएको छ ।
विमानको ठक्करबाट मनाङ एयर र श्री एयर हेलिकोप्टरमा क्षति पुगेको छ । मनाङ एयरका पाइलट टीबी गुरुङ घाइते भएका छन् ।
