काठमाडौंँ, माघ १४ गते । राष्ट्रपति विद्यादेवी भण्डारी र प्रधानमन्त्री के. पी. शर्मा ओलीलेबीच राष्ट्रपति भवन शीतलनिवासमा आइतबार भेट भएको छ ।
भेटमा प्रधानमन्त्री ओलीले स्वीट्जरल्याण्डको डाभोसमा सम्पन्न विश्व आर्थिक मञ्चको वार्षिक बैठकमा भएको सहभागिता, मित्रराष्ट्र स्वीट्जरल्याण्डसँग आपसी हित तथा अन्य समसामयिक विषयमा भएका छलफलबारे राष्ट्रपतिलाई जानकारी गराउनुभयो ।
भेटमा परराष्ट्रमन्त्री प्रदीपकुमार ज्ञवाली, अर्थमन्त्री डा. युवराज खतिवडालगायत नेपाल सरकारका उच्चपदस्थ अधिकारीहरू उपस्थित रहनुभएको राष्ट्रपति कार्यालयका प्रवक्ता छविन्द्र पराजुलीले दिनुभयो ।
