वातावरण संरक्षण विधेयकमा राष्ट्रियसभाबाट प्राप्त सन्देश टेबुल

काठमाडौँ । प्रतिनिधिसभाको बुधवारको बैठकमा पाँचवटा विधेयकमा राष्ट्रियसभाबाट प्राप्त सन्देश टेबुल भएको छ ।
बैठकमा प्राप्त सन्देश टेबुल भएका विधेयकमा ‘वातावरण संरक्षण विधेयक, २०७५’, ‘वन विधेयक, २०७५’, ‘राष्ट्रिय परिचयपत्र तथा पञ्जीकरण विधेयक, २०७५’, ‘भूमि सम्बन्धी ९आठौँ संशोधन० विधेयक, २०७५’ र ‘राहदानी विधेयक, २०७५’ छन् ।
बैठकमा प्रतिनिधिसभाका सचिव गोपालनाथ योगीले पाँच वटै विधेयकमा राष्ट्रियसभाबाट प्राप्त सन्देश टेबुल गर्नुभएको थियो ।

प्रतिनिधिसभामा समितिको प्रतिवेदन

यसैगरी उद्योग तथा वाणिज्य र श्रम तथा उपभोक्ता हित समितिका सभापति विमलप्रसाद श्रीवास्तवले “उद्योग तथा वाणिज्य र श्रम तथा उपभोक्ता हित समितिको वार्षिक प्रतिवेदन, २०७६” प्रतिनिधिसभाको आजको बैठकमा पेश गर्नुभयो । प्रतिनिधिसभाको बैठक आजै एक घण्टापछि बस्ने गरी सभामुख कृष्णबहादुर महराले स्थगित गर्नुभएको छ ।

प्रतिक्रिया दिनुहोस्

Please enter your comment!
Please enter your name here