मुस्ताङ । मुस्ताङ जिल्लाको लोघेकर गाउँपालिका वडा नम्बर २ दामोदर कुण्ड स्थित मिङ्मर गुरुङका गोठमा हिउँ चितुवा पसेर च्याङ्ग्रा मारेका छन् ।
गुरुङका अनुसार शुक्रबार राती चार वटा हिउँ चितुवा गोठमा पसेर ७७ वटा च्याङ्ग्रा मारिएका छन् । बिहानको समयमा मान्छेको चहलपहल भएपछि हिउँ चितुवा गोठबाट भागेका र आठ वटा च्याङ्ग्रा घाइते भएका छन् ।
घाइते बनाएका र मारिएका च्याङ्ग्राको तस्विर र भिडियो गुरुङले सामाजिक सञ्जालमा सार्वजनिक गरेका छन् । सो क्षेत्रमा धेरै समयपछि हिउँ चितुवा देखिएको स्थानीयले बताएका छन् ।
